ثقافة وفنون

طباع سيئه تكاد تكون مميته ..

رؤيه بقلم / مصطفي العموري

اه منك انت يا عم الخاين يا غدار يا ابو وشين

شربت السم ده كله وجبت الغل ده كله منين ؟؟

والكره والخبث واللؤم ده كله جواك طب ساكن فين ؟؟

والحقد والخيانه والغدر والنقاصه هو انت مين ؟؟

صناعه ابليس اكيد م هي دي كلها طباع شياطين ..

مرضتش بنصيبك و بصيت لغيرك

ومحبتش لحد الخير

ف حتي سعادتك وفرحتك بقيو منك هربانين

دايما كئيب دايما حزين وشايل الهم يا غراب البين

محبوس جوا نفسك و عايش للغل اسير

الكل حواليك حر طليق وانت وحدك اللي سجين

ربنا خلقك ع الفطره والقلب الابيض السليم

باختصار خلقك انسان

بس انت اللي اتبدلت ع مر الايام و السنين

واخترت طريق وطبع العقارب و التعابين

وبقيت مسخ عايش ميت وقلبك اسود زي الطين ..

طباعك مش لاقيلها اي تفسير

حتي نظرتك للرجوله انت فيها غلطان

تحس كده ان مخك التاني تعبان

لا عمر الرجوله كانت بالمال

ولا بكتر الحوارات والكلام

ولا بالجلابيه والشال

ولا بالبدله وكتر العيال

ولا بالمنصب ولا انت ايه شغال ..

كل حاجه مهما الزمن طال

بيجيلها يوم تتكشف و تبان ..

الرجوله ان يكون ليك كيان

انك تكون شجاع ف الحق مش جبان

انك تصون الغير وتحفظ الجميل وتكون انسان

وان يكون ليك دايما وسط الناس مكان

والكل يبقي عملك ف حضورك وغيابك مقام

الرجوله ياسيدي ب الاخلاق و الافعال ….

.. وانت ماشي تبخ ف سمك

و عامل ان محدش عارفك

يابني صدقني والله الكل كاشفك

انت مش خادع حد انت بتخدع نفسك

مش معني اني مغمض عيني ابقي مش شايفك

دي كل الناس بتحرص منك

والكل خلاص عرفك وعرف اصلك وفصلك

بتقدر ازاي تبص لروحك ف مرايتك .. ؟؟

فقدت وسط الناس المصداقيه ونزلت قيمتك

ومهما حاولت خلاص وسط الاوباش بقي وضعك

وتأليفك ع الناس وتوقيعك م بينهم هو همك

ياخي بص مره لحالك ولنفسك ومصالحك

واللي بيقعد يسمع ف كلامك وحكايتك وروايتك

يا تري بيبص ف عينك و لا بقعدته بيتقي شرك

وبيضيع وقت او …… اكيد زيك او شبهك ..

عامل انك ناصح او ذكي ومداري يا خيبتك ..!!

ده الناس مش طايقه تشوف وشك

الناس بس من كرم اخلاقها مش عايزه تصدك

واللي مش عايز يحرجك او يجرح كرامتك او يقلك

واللي خايف يهينك واللي مراعي سنك ..

طب بتلاقي ناس حواليك ولا الكل دايما سايبك .. !!

نصيحه .. غير واصلح من نفسك

امشي وسط الناس بالاخلاق وارفع اسمك

امشي صح وعدل مسارك حتي علشان ولدك

يحسو بالفخر والعزه ان جت يوم سيرتك

حب للكل الخير هتلاقي الخير بقي عندك

هتحس بفضل الله ونعمه ويزيد عزك

طالما ربنا سامع وشايف حمدك وشكرك

هتفرح بعيالك وهيزيد مالك وتضحكلك ايامك

وهتسعد باعمالك ف اخرتك وكمان ف حياتك

وهتزيد عند الناس والله غلاوتك

هتلاقي الكل دايما بقي حواليك وجنبك

وان وقعت يوم هتلاقي الف مين يمسك يدك

صدقني …. عملك والله راجعلك ….

قل امنت بالله ثم استقم واستغفر من ذنبك ..

و اعمل خير هيقف دايما وياك ربك ..

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى